ՀԱՄԱՍ-ը սպառնում է ինթիֆադայով, եթե Արևմտյան ափի անեքսիա լինի

Պաղեստինյան ՀԱՄԱՍ կազմակերպությունը սպառնացել է Իսրայելին ինթիֆադայով, եթե Արևմտյան ափի տարածքների վրա տարածվի այդ երկրի ինքնիշխանությունը. տեղեկացնում է yerkir.am-ը` MIGnews.com-ին հղումով:

ՀԱՄԱՍ-ը կոչ է արել Պաղեստինի վարչակազմի նախագահ Մահմուդ Աբասին` հրաժարվել Օսլոյի համաձայնագրերից և իր քաղաքական, տնտեսական ու ռազմական պարտավորություններից: Բացի դրանից`  կազմակերպությունը ցանկանում է  բոլոր պաղեստինյան կազմակերպությունների ջանքերի միավորման ծրագիր մշակել:

ՀԱՄԱՍ-ը կոչ է հղել նաև արաբական երկրներին` ջանքեր գործադրել Պաղեստինի ինքնավարության և Երուսաղեմի ազատագրման համար, իսկ Միջազգային քրեական դատարանից պահանջել է հետաքննել Իսրայելի կողմից իրականացված ռազմական և մարդկության դեմ հանցագործությունները: