Թուրքիան դատապարտել է Չեխիային՝ Հայոց ցեղասպանության վերաբերյալ բանաձևի համար

Թուրքիայի Արտաքին գործերի նախարարությունը հանդես է եկել հայտարարությամբ՝ Չեխիայի սենատի կողմից ընդունված բանաձևի առնչությամբ։ Օրինագիծը դատապարտում է մարդկության դեմ հանցագործությունները, որոնց թվում է նաև Օսմանյան կայսրության մեջ Հայոց ցեղասպանությունը։

«Անկարան քննադատում է Չեխիայի Հանրապետության սենատի որոշումը։ Մեզ համար ընդունված որոշումն առ ոչինչ է. օրինագիծն ընդունվել է կորոնավիրուսի պայմաններում քիչ թվով պատգամավոր ապահովված խորհրդարանում», - նշվում է Թուրքիայի ԱԳՆ  հայտարարության մեջ։

Հայտարարության վերջում ընգծվում է այն փաստը, ըստ որի Չեխիայի ԱԳՆ ղեկավարը հայտարարել էր, որ այս որոշումը չի արտացոլում երկրի կառավարության դիրքրոշումը։