Սատանան մանրուքների մեջ է. շա՛տ զգոն է պետք լինել. ռազմական փորձագետ

Ռազմական փորձագետ Արթուր Եղիազարյանը ֆեյսբուքյան իր էջում գրում է.

«Շա՛տ, շա՛տ ու շա՛տ զգոն է պետք լինել։

Ի պատասխան ՀՀ ՊՆ տեղին, կոնկրետ և չոր հայտարարության՝ Ադրբեջանի ռազմական գերատեսչությունն էլ հայտարարություն է տարածել, որում նշել է, որ հարձակողական բնույթի զորվարժություններ անցկացնելու են Ադրբեջանի Հանրապետության՝ միջազգայնորեն ճանաչված սահմաններում:

Ինչպես ասում են՝ «սատանան մանրուքների մեջ է»։ Ադրբեջանը միջազգային ճանաչված իր սահմանների մեջ է համարում նաև ողջ Արցախի Հանրապետության տարածքը:

Այնուհետև շարունակում են. «Հայաստանը ոչ մի իրավունք չունի խոսելու սահմանների խախտման մասին, քանի որ Արցախի սահմաններ միջազգայնորեն գոյություն չունեն»:

Ըստ իս, եթե հանկարծ Ադրբեջանը համարձակվի 1 մմ խախտել Արցախի սահմանը՝ անցնելով հարձակման, ապա, ռազմական գործողություններին զուգահեռ, տեղն ու տեղը կամ պետք է ՀՀ-ն ճանաչի Արցախի Հանրապետությունը, կամ, եթե վերածվի Հայաստան-Ադրբեջան բաց պատերազմի, անցնելով հակահարձակման՝ Արցախը մեկընդմիշտ միավորի Հայաստանի Հանրապետության հետ ու վե՛րջ։