Ինչո՞ւ Թրամփը բժշկական դիմակ չի կրում

ԱՄՆ նախագահ Դոնալդ Թրամփը պնդում է, որ կորոնավիրուսի դեմ դիմակ չի կրում, քանի որ ոչ մեկին չի մոտենում. հայտնում է ՌԻԱ «Նովոստի»-ն։

Թրամփին մամուլի ասուլիսի ժամանակ հարց են հղել, թե ինչու դիմակով չէ, չնայած Սպիտակ տան աշխատակիցներին այսօրվանից հրահանգվել է աշխատավայրում դիմակներ կրել: Սպիտակ տան արդեն մի քանի աշխատակից հիվանդացել է:

«Աշխատակիցներն ինձնից եւ միմյանցից որոշակի հեռավորություն են պահպանում: Իմ դեպքում ես ոչ մեկին մոտ չեմ... Իմ դեպքում ես բավականին հեռու եմ մնում բոլորից՝ ով էլ լինի»,- հայտարարել է Թրամփը, ով իսկապես ճեպազրույցի մյուս մասնակիցներից հեռու էր:

Նրա պնդմամբ՝ Սպիտակ տան գրեթե բոլոր աշխատակիցները հիմա դիմակներ են կրում, եւ ինքն է դա պահանջում:

Թրամփը եւ փոխնախագահ Մայք Փենսն ամեն օր թեստավորվում են, մինչեւ հիմա բոլորը բացասական են: