Հանրապետությունում առկա է շուրջ 1 մլն բժշկական դիմակ. ՏՄՊՊՀ

ՏՄՊՊՀ-ն մշտական կապի մեջ է հանրապետության խոշոր դեղատների, ինչպես նաև արտադրող և ներմուծող ընկերությունների հետ և պարբերաբար իրականացնում է բժշկական դիմակների և հակամանրէային ախտահանիչ նյութերի պաշարների ու գների մշտադիտարկման աշխատանքներ. տեղեկացնում է ՏՄՊՊՀ-ն:

«Այս պահին, ընդհանուր առմամբ, հանրապետությունում հակամանրէային ախտահանիչ նյութերի օրական արտադրությունը կազմում է շուրջ 6-7 տոննա։

Տեղեկացնում ենք նաև, որ արտադրողների կողմից հակամանրէային ախտահանիչ նյութերի վաճառքի մեծածախ գները չեն բարձրացվել:

Տեղական արտադրողներն են՝

 «Արթ կոսմետիկս» ՍՊԸ, ապրանքանիշը՝ Lina,

 «Արսանիտ» ՍՊԸ՝ ապրանքանիշը՝ Ալկոգել,

 «Էկոֆորմ» ՍՊԸ, ապրանքանիշը՝ Mister Jin:

Ինչ վերաբերվում է բժշկական դիմակներին՝ հայտնում ենք, որ համաձայն տնտեսավարողների ներկայացրած տվյալների՝ հանրապետությունում առկա է շուրջ 1 մլն հատ բժշկական դիմակ: Այս ընթացքում ստեղծվել են նաև դիմակների տեղական արտադրություններ, սակայն արտանդրանքի քանակը փոքր է»: