Կարանտինը խախտելու համար անձը կարող է ազատազրկվել. Պուտինը օրենք է ստորագրել

Ռուսաստանում բանտարկություն է նախատեսված այն անձանց համար, ովքեր կխախտեն կարանտինի ռեժիմն ու սանիտարահամաճարակաբանական կանոնները: «ՏԱՍՍ» լրատվական գործակալության փոխանցմամբ՝ նման օրենք է ստորագրել ՌԴ նախագահ Վլադիմիր Պուտինը. հայտնում է Yerkir.am-ը:

«Եթե խախտումը կատարում է վարակակիրը, ինչի հետևանքով, անգուշությամբ զանգվածային հիվանդացության դեպքեր են գրանցվում, ապա պատիժ է սահմանվում տուգանք մինչեւ 1 միլիոն ռուբլի կամ մինչև երեք տարվա ազատազրկում։ Եթե նման իրավախախտումը հանգեցրել է մարդու մահվան, ապա տուգանքը կազմում է երկու միլիոն ռուբլի, իսկ բանտարկության ժամկետը՝ մինչև հինգ տարի է։ Եթե նման արարքը հանգեցրել է երկու եւ ավելի մարդկանց մահվան, ապա բանտարկության ժամկետը դառնում է յոթ տարի»,- նշված է օրենքում։