Պուտինը օրենք է ստորագրել, որը թույլ է տալիս ՌԴ ԶՈւ-ն ներգրավել արտերկրում ռուսաստանցիների պաշտպանության համար

Ռուսաստանի նախագահ Վլադիմիր Պուտինը ստորագրել է օրենք, որը թույլ է տալիս օգտագործել ռուսական բանակը ՌԴ քաղաքացիների պաշտպանության համար՝ օտարերկրյա պետությունների դատարանների կողմից նրանց ձերբակալության, քրեական և այլ հետապնդումների դեպքում։

Ինչպես հաղորդում է ՏԱՍՍ-ը, փաստաթղթի համաձայն՝ ՌԴ նախագահը, ի թիվս այլնի, կկարողանա ՌԴ ԶՈւ կազմավորումներ ուղարկել ռուսաստանցիներին օտարերկրյա և միջազգային դատարանների հետապնդումներից պաշտպանելու համար, որոնք օժտված են լիազորություններով առանց Ռուսաստանի մասնակցության։

Ինչպես բխում է օրենքից, պետական մարմինները ՌԴ նախագահի որոշմամբ միջոցներ կձեռնարկեն նաև ռուսաստանցի քաղաքացիների պաշտպանության համար՝ այլ երկրների դատարանների կողմից նրանց ձերբակալության, քրեական և այլ հետապնդումների դեպքում։