Հայաստանում արձանագրվել է կորոնավիրուսով վարակման ևս 41 դեպք. վարակվածների ընդհանուր թիվը 235 է

Այսօր Հայաստանում արձանագրվել է կորոնավիրուսով վարակվելու 41 նոր դեպք: Այս մասին  ֆեյսբուքյան ուղիղ եթերում ասաց ՀՀ վարչապետ Նիկոլ Փաշինյանը:

«Դեպքերի ծավալը և աշխարհագրությունը որոշակի անհանգստություններ է առաջացնում: Կոտայքի մարզի արտադրական ձեռնարկությունում, Երևանի Էրեբունի համայնքում գտնվող արտադրական ձեռնարկություններից մեկում է հայտնաբերվել կորոնավիրուսի դեպք: Վարակված 235 անձանցից 26-ն ունեն թոքաբորբ, բայց նրանց վիճակը վերահսկելի է: Նրանց մեծ մասը ջերմություն չունի»,- ասաց Նիկոլ Փաշինյանը:

ՀՀ վարչապետը նաև նշեց, որ Առողջահաության համաշխարհային կազմակերպությունը այսօր  հայտարարել է, որ աշխարհում հիվանդությունը նոր թափ է հավաքում և կորոնավիրուսով  վարակվածների թիվը շուրջ 300 հազար է: