4 տարի առաջ - 2020-03-06 21:40 
ՀՀ Վարչապետ Նիկոլ Փաշինյանը քիչ առաջ ֆեյսբուքյան լայվի միջոցով տեղեկացրել էր, որ Երևանի Մետրոպոլիտենում քարոզարշավ է իրականացնում։ Նա տեսանյութին կից գրել էր. «Քարոզարշավ եմ անում Մարիամի և Շուշանի հետ»։ Փաշինյանը դուստրերի հետ Մետրոյի ուղևորներին նախընրական քարոզարշավի «Այո»-ի բուկլետներ է բաժանել:
Մետրոպոլիտենից դուրս գալուց հետո Նիկոլ Փաշինյանը քարոզարշավը շարունակել է Երևանի փողոցներում և այլ հանրային վայրերում: Քարոզարշավի ընթացքում, ինչպես նկատել է ֆեյսբուքյան ակտիվ օգտատեր Դավիթ Փիրումյանը, Նիկոլ Փաշինյանը ողջունել և զրուցել է 2015 թվականին վնասազերծված խմբի ղեկավար ներկայացվող Արթուր Վարդանյանի հետ:
«Վարչապետը փողոցում ջերմորեն բարևեց ահաբեկիչ Արթուր Վարդանյանին, ում իր օրոք անհասկանալիորեն դատարանը ազատ արձակեց»,- գրել է Փիրումյանը:
Հիշեցնենք, որ 2015 թ. մայիսից Ա. Վարդանյանը ձեռնամուխ է եղել հանցավոր համագործակցություն ձեւավորելու, այդ գործում ՀՀ քաղաքացիների ներգրավելու, զենք-զինամթերք հայթայթելու և իշխանությունը զավթելուն ուղղված այլ գործողություններ իրականացնելուն: Ըստ մեղադրանքի` Արթուր Վարդանյանի գլխավորած զինված խումբը ծրագրել էր բռնությամբ զավթել իշխանությունը: Օրինակ՝ թռիչքի պահին խոցել նախագահի օդանավը, հարձակում գործել ՀՀ նախագահի նստավայրի, Ազգային ժողովի, Սահմանադրական դատարանի, Կառավարության, Հանրային հեռուստաընկերության և այլ հաստատությունների շենքերի վրա:
2015 թ. նոյեմբերի 25-ին ՀՀ Ազգային անվտանգության ծառայության աշխատակիցների օպերատիվ-հետախուզական միջոցառումների արդյունքում հանցավոր խումբը բացահայտվել և վնասազերծվել էր: Հայտնաբերվել էին մեծ քանակի ռազմամթերք, պայթուցիկ և այլ նյութեր, զինվորական հանդերձանք, փաստաթղթեր և այլ իրեր:
2024-11-25 12:48
