Կորոնավիրուսի տարածման ֆոնին՝ Իրաքը փակել է Իրանի հետ սահմանը

Իրաքի իշխանությունները փակել են Իրանի հետ սահմանը՝ COVID-2019 կորոնավիրուսի տարածման մտավախությունների ֆոնին. հայտնում է Yerkir.am-ը՝ Reuters լրատվական գործակալությանը հղումով:

Նշվում է՝  որոշումն ընդունվել է հաջորդ օրն այն բանից հետո, երբ Իրանում հայտարարվել էր կորոնավիրուսից մահվան 2 դեպքի մասին։

Իրաքի առողջապահության նախարարությունը նման միջոցառումների սահմանման անհրաժեշտությունը հիմնավորել է երկու երկրների միջև ինտենսիվ ուղևորահոսքով, որն ուխտագնացության սեզոնին հասնում  մի քանի միլիոնի։ Դրանից բացի, որոշումը պայմանավորած է նաև կանխարգելիչ միջոցառումների ապահովման բարդությամբ:

Այնուամենայնիվ, երկրի իշխանությունները չեն փակում սահմանը վերադարձող իրաքցիների համար, բայց վերադարձին նրանք պետք է ենթարկվեն երկշաբաթյա կարանտինային ռեժիմի։

Հավելվում է նաև, որ իրաքյան ավիաընկերություններն ևս դադարեցրել են դեպի Իրան չվերթները։