Միլանի ու Վենետիկի Սուրբ Մարկոսի տաճարները փակվել են՝ կորոնավիրուսի տարածման ֆոնին

Վենետիկի պատրիարքարանը (Հռոմեական կաթոլիկ եկեղեցու արքեպիսկոպոսություն) հայտարարություն է տարածել բոլոր պատարագները չեղարկելու մասին, այդ թվում՝ առաջիկա «մոխրոտ չորեքշաբթին», որով սկսվում է մեծ պահքն՝ ըստ կաթոլիկ օրացույցի. գրում է ՏԱՍՍ լրատվական գործակալությունը՝ ANSA-ին հղումով. հայտնում է Yerkir.am-ը:

Կիրակնօրյա ծառայություններին վերաբերող որոշումն ընդունվել է կորոնավիրուսի տարածման և Վենետոյի իշխանությունների՝ ցանկացած հանրային գործունեություն դադարեցնելու կարգարդության կապակցությամբ: Նշվում է նաև, որ եկեղեցու ներկայացուցիչները խորհուրդ են տվել հավատացյալներին չմոռանալ աղոթքի մասին ու առաջնորդվել հոգևոր ծառայությամբ, որը հաղորդվում է լրատվամիջոցներով՝ ռադիոյով ու հեռուստատեսությամբ:

Ըստ իշխանությունների վերջին տվյալների՝  Իտալիայում 2019-nCov կորոնավիրուսով վարակված է ավելի քան 150 մարդ:

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվը Չինաստանում ավելացել է 150-ով՝ հասնելով 2592-ի: Երկրում գրանցվել է վարակման ավելի քան 77.100 դեպք, որից ավելի քան 24․700 մարդ առողջացել է։:

Ըստ ԱՀԿ տվյալների՝ Չինաստանի սահմաններից դուրս այս պահին մոտ 1800 վարակակիր կա: