ՏԵՍԱՆՅՈՒԹ․ Ռ․ Քոչարյանի գործը Վերաքննիչում կշարունակի քննել Արմեն Դանիելյանը

ՀՀ երկրորդ նախագահ Ռոբերտ Քոչարյանի պաշտպանների միջնորդությունը, որ Վերաքննիչ դատարանի դատավոր Արմեն Դանիելյանը ինքնաբացարկ հայտնի, դատարանը մերժեց՝ հայտնում է Yerkir.am-ը:

Քոչարյանի փաստաբաններ Հովհաննես Խուդոյանի եւ Արամ Վարդեւանյանի կարծիքով՝ դատավորի նախորդ գործողությունները եղել են ոչ օբյեկտիվ եւ ոչ ինքնուրույն:

Դատախազության բերած վերաքննիչ բողոքով բողոքարկվում է առաջին ատյանի դատարանի որոշումը պաշտպանության կողմին գործի նյութերն ամբողջ ծավալով տրամադրելու մասին: Դատախազ Պետրոս Պետրոսյանը պնդում է, որ քննվող գործի նյութերը հրապարակման ենթակա չեն, հետևաբար՝ փաստաբաններին տրամադրելը կլինի օրենքի խախտում։ Փաստաբանները ցանկանում են գործի նյութերին ծանոթանալ մինչև գործի վերսկսումը և վստահեցնում, որ եթե  նյութեր հայտնաբերվեն, որոնք պետք է ներկայացնել իրենց պաշտպանյալի շահերի շրջանակում, ապա դա կարող են անել փակ նիստում: