Վրաստանի վարչապետ Գախարիան հրաժարական կտա՞

Վրաստանի վարչապետ Գեորգի Գախարիան, անդրադառնալով իր հնարավոր պաշտոնաթողության վերաբերյալ դիտարկմանը, լրագրողներին խորհուրդ է տվել չարագացնել իրադարձությունները. ըստ Yerkir.am-ի՝ հայտնում է Sputnik-ը:

Վերջերս վրացական ԶԼՄ-ներն ակտիվորեն քննարկում են Գախարիայի հնարավոր հրաժարականը, որը վարչապետի պաշտոնն զբաղեցնում Է 2019 թվականի սեպտեմբերից:

«Դուք այնքան համառորեն եք հարցնում, մի՞թե ցանկանում եք՝ ինձնից ինֆորմացիա «դուրս քաշել»: Սպասեք եզրափակիչ սերիային»,- մանրամասնել է Գախարիան լրագրողներին:

Ըստ շրջանառվող լուրերի՝ վարչապետի պաշտոնի թեկնածուների թվում դիտարկվում են կրթության և գիտության նախարար Միխայիլ Չխենկելին ու խորհրդարանի նախագահ Արչիլ Տալակվաձեն:

Ընդդիմության ներկայացաուցիչները չեն բացառում, որ Գախարիայի պաշտոնը կարող է զբաղեցնել «Վրացական երազանք-դեմոկրատական Վրաստան» կառավարող կուսակցության հիմնադիր և ներկայիս նախագահ Բիձինա Իվանիշվիլին, որն ոչ վաղ անցյալում արդեն ղեկավարել է երկրի կառավարությունը: