«Գախարիան Վրաստանի համար»-ի ևս մեկ առաջնորդ լքում է քաղաքականությունը

«Գախարիան Վրաստանի համար» կուսակցության ևս մեկ առաջնորդ՝ Զազա Թավաձեն, հեռանում է քաղաքականությունից. քաղաքական գործիչն ինքն է գրել դրա մասին։

Թավաձեն հայտնել է, որ վերադառնում է իր իրավաբանական և խորհրդատվական գործունեությանը։

Նրա հավաստմամբ՝ ինքը մտադիր է գիտական ​​և հետազոտական ​​նախագիծն ավարտել Գերմանիայում։

«Ուզում եմ խորին շնորհակալությունս հայտնել իմ բոլոր համախոհներին, ընկերներին, կողմնակիցներին և ընդհանրապես բոլոր նրանց, ում դուր էր գալիս կամ, ավելին, դուր չէր գալիս իմ ներկայությունը քաղաքականության մեջ։

Ձեր աջակցությունը, քննադատությունը և այլախոհ կարծիքները միշտ կարևոր և ընկալելի են եղել ինձ համար։

Այսօր ես կարծում եմ, որ պետք է անեմ ոչ այնքան հեշտ, գուցե` ավելի դժվար, բայց նաև պատասխանատու քայլ. վերադառնալ իմ մասնագիտական, իրավաբանական և խորհրդատվական գործունեությանը, որտեղ գտնվում էի քաղաքականություն մտնելուց առաջ, և միաժամանակ ավարտել իմ գիտական ​​ու հետազոտական ​​նախագիծը Գերմանիայում։ Մասնավորապես՝ Վյուրցբուրգի համալսարանում, որտեղ գտնվում եմ դոկտորական թեզի պաշտպանության վերջին փուլում։

Մեկ անգամ ևս շնորհակալություն ձեր աջակցության, վստահության և համագործակցության համար։

Ես միշտ ձեզանից յուրաքանչյուրին համարել եմ ընկեր և աջակից», — գրել է Զազա Թավաձեն։

Աղբյուրը՝ Aliq.ge