Սայմոն Քոուելը 32 հազար ԱՄՆ դոլար է նվիրաբերել՝ Հարավային Կորեայում շան մսի մթերման ֆերմայի փակման համար

58-ամյա ամերիկացի պրոդյուսեր, «Got Talent» հայտնի նախագծի ժյուրիի անդամ Սայմոն Քոուելը համաձայնել է 25.000 ֆունտ (մոտավորապես 32.640 ԱՄՆ դոլար) նվիրաբերել Humane Society International (HSI) բարեգործական ընկերությանը, որն անդրադառնում է կենդանիների խնդիրներին ամբողջ աշխարհում. ըստ Yerkir.am-ի՝ հայտնում է Animal News-ը:

Ուրբաթ օրը կազմակերպությունն իր սոցիալական ցանցի էջերում գրառում էր կատարել պրոդյուսերի նվիրատվության մասին: Նրանք ասում են, որ նվիրաբերված գումարը կփրկի ավելի քան 200 շների և քոթոթների հարավկորեական շների ֆերմայից, որը կենդանիների միսը մթերում է մարդու կողմից սպառման համար: Արդեն իսկ հաջորդ շաբաթ կազմակերպության անդամները պատրաստվում են շներին ուղարկել տարբեր երկրներ, այդ թվում ՝ ԱՄՆ, Կանադա, Միացյալ Թագավորություն և Նիդեռլանդներ որդեգրման համար:

Կազմակերպությունը տեղեկացնում է, որ ֆերմայում շներն իրենց ողջ կյանքը ծախսում են անպիտան մետաղական վանդակներում նախքան նրանց դուրս են բերում սպանելու համար: Շները սովորաբար սպանվում են էլեկտրականության միջոցով կամ կախվում են: