Թբիլիսիում խորհրդարանի շենքի մոտ կրկին հավաքվել են ընդդիմության կողմնակիցները

Վրացական ընդդիմության մի քանի հարյուր կողմնակիցներ չորեքշաբթի կրկին հավաքվել են Թբիլիսիի խորհրդարանի շենքի մոտ, հաղորդում է ՌԻԱ Նովոստիի թղթակիցը:

Ոստիկանությունը փակել է խորհրդարանի հարևանությամբ գտնվող Գիա Չանթուրիա փողոցի երթևեկությունը: Ընդ որում, Ռուսթավելի պողոտայում ավտոմեքենաների երթեւեկությունը փակ չէ։

Ըստ տեղական հեռուստաընկերությունների, ընդդիմադիրների մի մասը հավաքվել է նաև ընդդիմադիր կուսակցությունների գրասենյակների մոտ, որտեղ ոստիկանությունը խուզարկություններ է իրականացնում, և ոստիկանության այն հատվածների մոտ, որտեղ բերման են ենթարկվել ձերբակալված ընդդիմադիրները, մասնավորապես, «Հանուն փոփոխությունների կոալիցիայի» առաջնորդ Նիկա Գվարամիան:

Ավելի վաղ Վրաստանի ներքին գործերի նախարարությունը հայտնել էր երեքշաբթի Թբիլիսիում տեղի ունեցած բողոքի ակցիայի ընթացքում 22 մարդու ձերբակալության մասին: երկրի առողջապահության նախարարության տվյալներով՝ հիվանդանոցներ են տեղափոխվել 15 քաղաքացի, այդ թվում՝ 3 լրագրող եւ մեկ իրավապահ: