Ինձ թվում է՝ որոշ կուտակված խոհանոցային խոսակցություններ հասնում են վարչապետին. Դավիթ Տոնոյան

Ինձ թվում է՝ որոշ կուտակված խոհանոցային խոսակցություններ հասնում են վարչապետին,  և նրա մոտ տպավորություն է ստեղծվում, թե գեներալիտետը դժգոհություն ունի. այսօր լրագրողների հետ ճեպազրույցում անդրադառնալով  Նիկոլ  Փաշինյանի՝ երեկ արած այն հայտարարությանը,  թե որոշ գեներալների նկատմամբ հարուցված քրեական գործերով ինքը  թուլացնում և վարկաբեկում է գեներալիտետին, ասաց պաշտպանության նախարար Դավիթ Տոնոյանը:

«Այդպիսի բան չկա: Հնարավոր է, որ լինեն գեներալներ,  որոնց մոտ նման մտահոգություն կա,  բայց այն, ինչ արվել է  այդ ոլորտում վերջին մեկուկես տարում,  չեմ կարծում,  թե գեներալիտետի մոտ պետք է դժգոհություն առաջացնի: Այն քրեական գործերը,  որոնցով անցնում են տարբեր բարձրաստիճան պաշտոնյաներ,  իհարկե, մտահոգիչ են, բայց ես կարծում եմ, որ դրանք նաև բարձրագույն հրամանատարական կազմին տոնուսի մեջ են պահում»,-  ըստ Yerkir.am-ի՝ նշեց պաշտպանության նախարարը: