ԲՀԿ-ում անգամ թեթեւակի խոսակցություններ չկան

Հանրապետականի երեկվա նիստից հետո ամբողջ մամուլը հեղեղված է նրանով, որ նիստի ժամանակ քննարկվել է ԲՀԿ-ի` կոալիցիայից դուրս գալու հարցը, նաեւ` որ ԲՀԿ-ին կողմնորոշվելու համար մեկ շաբաթ ժամանակ է տրվել:

«Երկիր»-ի հետ զրույցում ԱԺ ԲՀԿ խմբակցության պատգամավոր Վարդան Բոստանջյանը խոսակցությունները պայմանավորեց «որոշ ուժերի կողմից իրավիճակը սրելու ցանկությամբ»: Նա վստահեցրեց, որ ԲՀԿ-ում անգամ «թեթեւակի խոսակցություններ» չեն եղել կոալիցիայից դուրս գալու մասին:

ԲՀԿ-ական պատգամավորը հերքեց նաեւ խոսակցությունները, թե ԲՀԿ նախագահ Գագիկ Ծառուկյանը հանդիպել է ՀԱԿ առաջնորդ Լեւոն Տեր-Պետրոսյանի հետ: «Դրանք ոչ հավաստի են»,- վստահեցրեց պատգամավորը: