ՏԵՍԱՆՅՈՒԹ. ԱԳ նախարարն ասում է՝ «այս ի՞նչ խոհանոցային խոսակցություններ են», նախարարի հետ չէր հանդիպում, հասարակ ժողովուրդ ենք. ցուցարար

Կառավարության շենքի դիմաց այսօր կրկին իրենց բողոքի ձայնն էին բարձրացրել ՌԴ մեկնել ցանկացող քաղաքացիները: Նրանք պնդում են, որ կառավարությունն այս ուղղությամբ քայլեր չի ձեռնարկում, իսկ իրենց տրված պատասխաններն էլ հաճախ պատշաճ չեն լինում:

«Արտգործնախարարը պատասխանեց՝ «ես բացում եմ, գնացեք»: Նախ դա պատասխան չէ, պետք է բանակցեն ՌԴ հետ, որ իրենք էլ բացեն, կամ՝ հասարակ ժողովրդի մոտ դուրս է գալիս, ասում է՝ «այս ի՞նչ խոհանոցային խոսակցություններ են»: Դու նախարարի հետ չէիր հանդիպում, հասարակ ժողովուրդ ենք, հասարակ պահանջով՝ բացել ճանապարհները»,- հայտարարեց ակցիայի մասնակիցներից մեկը:

Հարցին, թե հնարավո՞ր չէ, արդյոք, Բելառուսից մեկնել ՌԴ, ցուցարարն արձագանքեց. «Այդ տարբերակը շատ անգամ ենք հանդիպել, բայց դա անօրինական է: Ընդամենը իրենց գումարի համար կարող են ձեզ անցկացնել, հինգ տարի հետո դեպորտով պիտի հետ գաք: Մենք ուզում ենք օրինական հասնել ՌԴ: Խնդրում ու կրկին հորդորում ենք մեր կառավարությանը, որն ընտրվել է ՀՀ հպարտ քաղաքացու շնորհիվ, մեր հարցին լուծում տալ»: