Brexit-ը դարձյալ հետաձգվել է

Եվրախորհրդարանի նախագահ Դոնալդ Տուսկն իր թվիթերյան միկրոբլոգում գրառում է կատարել՝ տեղեկացնելով, որ Brexit-ը դարձյալ հետաձգվել է, քանի որ Եվրամիության ղեկավարները համաձայնել են թույլ տալ Մեծ Բրիտանիային՝ լքել կառույցը մինչև 2020 թվականի հունվարի 31-ը: 

Այս ընթացքում Մեծ Բրիտանիայի վարչապետ Բորիս Ջոնսոնը պետք է փորձի հասնել նրան, որ դեկտեմբերի 12-ին թագավորությունում արտահերթ ընտրություններ անցկացվեն: Ըստ սահմանված ժամկետների՝ Brexit-ը պետք է տեղի ունենար հոկտեմբերի 31-ին, սակայն բրիտանական խորհրդարանում դարձյալ չեն կարողանում համաձայնության գալ Եվրամիությունը լքելու պայմանների շուրջ:

Հիշեցնենք, որ ի սկզբանե թագավորությունը պետք է դուրս գար կառույցից 2019-ի մարտի 29-ին, բայց այդ ժամկետը բազմիցս հետաձգվել է: