Մեծ Բրիտանիայի գերագույն դատարանը Մեյին զրկել է Brexit-ն ինքնուրույն սկսելու իրավունքից

Մեծ Բրիտանիայի գերագույն դատարանը թագավորության վարչապետ Թերեզա Մեյին պարտավորեցրել է Եվրամիությունից երկրի դուրս գալու՝ Brexit-ի մեկնարկից առաջ ստանալ խորհրդարանի հավանությունը:

Reuters-ի հաղորդմամբ` այս որոշումն ընդունվել է ութ ձայնով՝ երեքի դեմ:

«Գերագույն դատարանը որոշել է, որ կառավարությունը չի կարող ուժի մեջ մտցնել 50-րդ հոդվածն առանց խորհրդարանի թույլտվության», - ասվում է պաշտոնական հայտարարության մեջ: Ընդ որում՝ պարզաբանվում է, որ Մեյը չպետք է ստանա Շոտլանդիայի, Ուելսի և Հյուսիսային Իռլանդիայի օրենսդիր մարմինների հաստատումը:

Գործակալությունը պարզաբանում է, որ այս որոշումը բրիտանական կառավարությանը թույլ կտա խուսափել ԵՄ-ից դուրս գալու որոշման երաշխավորված արգելափակումից այս մարմիններից յուրաքանչյուրում, սակայն կարող է նաև զգալիորեն դանդաղեցնել Brexit-ի գործընթացը: