Շվեյցարացիները Հայաստանը դասել են միջինից ցածր եկամուտներ ունեցող երկրների շարքը

Շվեյցարական Credit Suisse բանկը հրապարակել է համաշխարհային հարստության մասին հաշվետվություն: Ըստ Rusarminfo կայքի՝ այդ փաստաթղթում Հայաստանը դասվել են միջինից ցածր եկամուտներ ունեցող երկրների շարքը:

Հայաստանի բնակչության ընդհանուր հարստությունը կազմում է 42 միլիարդ դոլար:

Վրաստանը ևս միջինից ցածր եկամուտ ունեցող երկրների շարքում է. դրա բնակչության ընդհանուր հարստությունը 37 միլիարդ դոլար է:

Ադրբեջանը, ըստ հաշվետվության, դասվել է միջինից բարձր եկամուտ ունեցող երկրների շարքը, դրա բնակչության ընդհանուր հարստությունը կազմել է 83 միլիարդ դոլար:

Credit Suisse-ի տվյալներով՝ 2019-ին ՀՀ մեկ քաղաքացուն բաժին ընկնող հարստության միջին գումարի չափը 19. 517 հազար դոլար է: Ինչ վերաբերում է Վրաստանին և Ադրբեջանին, ապա այս երկրներում, համապատասխանաբար, մեկ քաղաքացու հաշվով՝ 12.609 հազար դոլար և 11.865 հազար դոլար: