Հարկադիր կատարման ծառայությունը կարելի է դասել ուժային կառույցների շարքը․ Արամ Վարդևանյան

ՀՅԴ «Արամ Մանուկյան» կենտրոնում,  ՀՅԴ «Նիկոլ Աղբալյան» ուսանողական միության նախաձեռնությամբ, երեկ  դասախոսությամբ է հանդես եկել   ԱԺ «Հայաստան» խմբակցության պատգամավոր Արամ Վարդևանյանը՝ «Պետության իրավական անվտանգություն. ի՞նչ խնդիրների են բախվում իրավունքը և օրենքը ՀՀ-ում» թեմայով։ 

Պատգամավորի հիմնական խոսքից հետո ներկաները տարբեր հարցեր են  ուղղել նրան։ Արամ Վարդևանյանին ուղղված հարցերից մեկը վերաբերել է ՊՇՌ թեստավորմանը, դրա հետ կապված՝ ՍԴ որոշանը։  Ներկաներից մեկը փորձել է հասկանալ, թե ինչո՞ւ ՍԴ որոշումը որոշիչ դեր չկատարեց և ՍԴ  գործիքակազմը նպատակին չծառայեց։  

«Եթե, օրինակ, ՍԴ-ն չլիներ, այլ լիներ սովորական դատարան,  կայացներ մի վճիռ, որով պետք է, օրինակ, բռնագանձվի տվյալ անձից 500 հազար դրամ, մարդը դա կարող է բողոքարկել դատական տարբեր ատյաններ, և դրանից հետո, եթե  առաջին ատյանի դատարանի դատական ակտը մնա անփոփոխ, ապա այն մտնում է օրինական ուժի մեջ։ Սովորական դատարանները, որպեսզի խուսափեն իրականում շատ վատ իրավական անվտանգությունը խաթարող  իրավիճակից,  ունեն Հարկադիր  կատարման ծառայություն, որը  գալիս է և իր անվանը բնորոշ հարկադիր կերպով  ապահովում է դատական ակտի կատարումը»,- ասաց Վարդևանյանը։

«Հարկադիր կատարման ծառայությունը կարելի է դասել  ուժային կառույցների շարքը․ մինչդեռ ՍԴ-ն չունի այդ գործիքակազմը»,-  ասաց նա՝ ներկայացնելով, թե ինչո՞ւ  գործադիրը չի իրականացնում ՍԴ որոշումները, և, առհասարակ ինչո՞ւ են անտեսվում ՍԴ որոշումները։

Մանրամասն՝ տեսանյութում։