Գերմանիայի արտաքին գործերի նախարարը դատապարտել է Թուրքիայի ռազմական գործողությունները Սիրիայի հյուսիսում

Գերմանիայի արտաքին գործերի նախարար Հայկո Մաասը դատապարտել է Թուրքիայի ռազմական գործողությունները Սիրիայի հյուսիսում, հաղորդում է En Son Haber կայքը:

«Խաղաղության ակունք» անվանումով ռազմական գործողության շրջանակում թուրքական F-16 կործանիչները երկինք են բարձրացել Դիարբեքիրի ավիաբազայից:

Գերմանիայի արտաքին գործերի նախարարը մասնավորապես նշել է. «Թուրքիան այս քայլերով նպաստում է տարածաշրջանում իրավիճակի է՛լ ավելի ապակայունացմանը»:

Նա նաև կոչ է արել Թուրքիային՝ դադարեցնել ռազմական գործողությունները և խնդիրները լուծել միայն խաղաղ ճանապարհով:   

Հիշեցնենք, որ երեկ՝ հոկտեմբերի 9-ին, Թուրքիայի նախագահ Ռեջեփ Թայիփ Էրդողանը հայտարարել է Սիրիայում «Խաղաղության ակունք» ռազմական գործողության մեկնարկի մասին: