ԱԱ. պայքարի մեջ են մտնում ազատ ոճի ըմբիշները

Ղազախստանի մայրաքաղաք Նուր-Սուլթանում ընթացող ըմբշամարտի աշխարհի առաջնությունում սեպտեմբերի 19-ին պայքարի մեջ կմտնեն ազատ ոճի ըմբիշները։

Գորգ դուրս կգան 57 և 65 կգ քաշային ըմբիշները։  Այս մասին Yerkir.am-ը տեղեկանում է ՀԱՕԿ լրատվական ծառայությունից։ 

57 կգ քաշային կարգում Հայաստանը ներկայացնում է Եվրոպայի գործող չեմպիոն Արսեն Հարությունյանը: Նա պայքարը սկսելու է 1/16 եզրափակչից, որտեղ նրա մրցակիցը կլինի Վրաստանը ներկայացնող Օտարի Գոգավան։

65 կգ քաշային կարգում Հայաստանը կներկայացնի Վազգեն Թևանյանը: Նա ևս պայքարը կսկսի որակավորման փուլից, որտեղ կմրցի Եվրոպական խաղերի բրոնզե մեդալակիր, Ուկրաինան ներկայացնող Գոռ Հովհաննիսյանի հետ: