Մեզ համար շատ կարևոր է, որ գաղտնի ինֆորմացիայի որևէ արտահոսք չլինի. ԱԽ քարտուղար

Անվտանգության խորհրդի քարտուղար Արմեն Գրիգորյանն այն համոզմանն է, որ 1-ի քրեական գործի վերաբերյալ գաղտնի փաստաթղթերը, նյութերն օտարերկրյա լրատվամիջոցի տրամադրության տակ հայտնվելու փաստով պետք է զբաղվեն ու պարզեն քննչական մարմինները, դա իրենց գործառույթն է։

«Աշխարհում չկա մի երկիր, որտեղ լուծված է փաստաթղթերը գաղտնի պահելու հարցը։ Գաղտնիության հարցի հետ առնչվում են բոլորը։ «Վիկիլիկսը դրա վառ օրինակն է, նույնիսկ աշխարհի ամենահզոր երկրներից մեկի՝ ԱՄՆ-ի ամբողջ գաղտնի փաստաթղթերը հայտնվել էին լրատվամիջոցների ուշադրության կենտրոնում, - ասաց նա ու ավելացրեց,- Կատարվածը մտահոգիչ է ոչ միայն իմ, այլև՝ անվտանգության համար ցանկացած պատասխանատուի համար։ Մեզ համար, այո, կարևոր է` գաղտնի ինֆորմացիայի որևէ արտահոսք չլինի, որովհետև գաղտնիությունը նշանակում է նաև ապահովվածություն, անվտանգություն»։