Ինֆորմացիայի արտահոսքի մեղադրանք է առաջադրվել Սպիտակ տան 4 ներկայացուցչի

Ամերիկյան իշխանությունները մեղադրանք են առաջադրել 4 հոգու, ում կասկածում են Սպիտակ տան ինֆորմացիայի արտահոսք կազմակերպելու մեջ։ Այս մասին հաղորդել է ԱՄՆ գլխավոր դատախազ Ջեֆ Սեշնսը։ 4-ն էլ մեղադրվում են գաղտնի տեղեկատվության արտահոսքի մեջ, ինչպես նաև արտասահմանյան հետախուզության հետ կապեր ունենալու մեջ։ 4-ի անունները դեռ չի հրապարակվում։ ԱՄն նախագահ Դոնալդ Թրամփի ընտրվելուց հետո նրա վարչակազմը տեղեկատվության արտահոսքի կենտրոնում է։

«Դուք պետք է հասկանաք, եթե խախտում եք կանոնը՝ հրապարակելով գաղտնի տեղեկություն, ապա մենք ձեզ կգտնենք, դուք հետապնդման սուբյեկտ կդառնաք և կպատժվեք օրենքի ողջ խստությամբ»,- ասել է գլխավոր դատախազը։