Պոմպեոն հորդորել է Թուրքիային` չգործարկել Ս-400-ները

ԱՄՆ պետքարտուղար Մայք Պոմպեոն հորդորել է Թուրքիային` չգործարկել Ռուսաստանից գնված Ս-400 ՀՕՊ համակարգերը, քանի որ նախագահ Դոնալդ Թրամփը դեռևս խուսափում է օրենքով սահմանված պատժամիջոցների կիրառումից. հաղորդում է bloomberg.com կայքը:

«Դրան կարող են հետևել ավելի շատ պատժամիջոցներ, բայց, անկեղծ ասած, մեր ուզածն այն է, որ Թուրքիան չգործարկի Ս-400-ները». – Bloomberg-ի հետ զրույցում նշել է Պոմպեոն:

ԱՄՆ-ը Թուրքիային արդեն դուրս է թողել Ֆ-35 կործանիչների ծրագրից Ս-400-ների պատճառով: Ըստ տեղեկությունների` Թրամփը կողմնակից չէ Թուրքիայի նկատմամբ պատժամիջոցներ կիրառելուն և այս իրավիճակի համար մեղադրում է նախկին նախագահ Բարաք Օբամային` ժամանակին Թուրքիային ամերիկյան «Պատրիոտ» ՀՕՊ համակարգեր չվաճառելու համար: