ԱՄՆ-ը հորդորել է Թուրքիային՝ հարգել Իրաքի ինքնիշխանությունը

ԱՄՆ-ն խնդրում է պահպանել Իրաքի ինքնիշխանությունը՝ կապված այդ երկրում գտնվող թիրախների վրա Թուրքիայի հարվածների հետ: Օգոստոսի 19-ին լրագրողներին ասել է ԱՄՆ-ի վարչակազմի բարձրաստիճան պաշտոնյաներից մեկը:

«Մենք հարգում ենք Իրաքի ինքնիշխանությունը և ակնկալում ենք, որ մյուս երկրները կվարվեն նույն ձև», - ասել է նա:

Անկարայի գործողությունը Վաշինգտոնում առաջացրել է «անհանգստություն և հետաքրքրություն», - ասել է պաշտոնյան, իսկ Թուրքիայի ավիահարվածները քննարկման առարկա կդառնան Իրաքի վարչապետ Մուստաֆա ալ-Քազիմիի և ԱՄՆ նախագահ Դոնալդ Թրամփի հետ այս շաբաթ կայանալիք հանդիպման ընթացքում:

Հիշեցնենք, որ օգոստոսի 11-ին, Իրաքի Էրբիլ քաղաքի մերձակայքում թուրքական զինված ուժերի անօդաչու թռչող սարքերի հարձակման արդյունքում զոհվել է 15 մարդ, այդ թվում՝ հինգ սահմանապահ: