Կառավարությունը հանրակացարանը նվիրեց բնակիչներին

ՀՀ կառավարության այսօրվա` հուլիսի 25-ի նիստում որոշում կայացվեց հանրակացարանային տարածքներ նվիրել այն բնակիչներին, որոնք մինչև 2017 թվականը գրանցված են եղել այդ հանրակացարաններում։

Ընդհանուր առմամբ, խոսքը 106 սենյակի մասին է, որոնք տրվելու են 100 ընտանիքի է`  ավելի քան 230 բնակչով։ Այնուամենայնիվ, կան բացառություններ, որոնք վերաբերում են նրան, որ հանրակացարանային այդպիսի տարածք չեն կարող նվեր ստանալ նրանք, ովքեր երբևէ այլ բնակարան են ստացել։

Փոխվարչապետ Մհեր Գրիգորյանի առաջարկությամբ` այդ բնակիչները պարտավոր են մեկ տարվա ընթացքում կնքել պայմանագրեր՝ սենյակները ստանալու համար։

Հարցի վերաբերյալ զեկուցեց նաև տարածքային կառավարման և ենթակառուցվածքների նախարար Սուրեն Պապիկյանը: Նա մանրամասնեց, որ իրենք փաստացի բնակիչներին պարզապես իրավաբանորեն ամրագրում են նրանց զբաղեցրած տարածքներում։