Կառավարությունը ԵԿՄ «Պատանի երկրապահ» ակումբին 60 միլիոն դրամ նվիրեց

Կառավարությունն իր այսօրվա նիստում որոշում կայացրեց բյուջեում վերաբաշխում կատարել եւ ԿԳՆ-ին խնայված միջոցների հաշվին 60 միլիոն դրամ գումար հատկացնել` ՀՀ ԵԿՄ « Պատանի երկրապահ» ակումբի մարտավարական, կրակային և շարային գործընթացը բնականոն կազմակերպելու նպատակով կազմակերպությանը փոխանցելու համար` որպես նվիրատվություն:

Իր խոսքում որոշման նախագիծը ներկայացնող` կրթության եւ գիտության նախարար Արմեն Աշոտյանը նշեց, որ գումարը փոխանցվում է ակումբին` «հայրենասիրական դաստիարակության, այդ թվում` ռազմահայրենասիրական դաստիարակության ծրագրեր իրականացնելու համար` հաշվի առնելով կազմակերպության մեծ փորձը եւ հաջողություններն այս բնագավառում»:

Փաստորեն, պարզվում է, որ, 2014 թվականի հունվարի 1-ի դրությամբ, ՀՀ ԵԿՄ «Պատանի երկրապահ» ակումբը ունի 60 միլիոն դրամի չափով ֆինանսական պարտավորություններ, որոնք ակումբը ի վիճակի չէ կատարել, և դրա արդյունքում ակումբի հետագա գործունեությունը անհնար է իրականացնել, դրա համար են բյուջեից փող հատկացնում ակումբին: