Այդ միության կազմում լինելը`Հարություն Խաչատրյանի նախագահությամբ, համարում եմ անհնարին և վիրավորական. Սահակյանցը կինեմատոգրաֆիստների միությունից դուրս է գալիս

Երևանի «Ոսկե ծիրան» 16-րդ միջազգային կինոփառատոնում կարճամետրաժ ֆիլմերի տարածաշրջանային մրցույթում «Արծաթե ծիրանի» է արժանացել տրանսգենդերի մասին պատմող` Ռատի Ցիտելաձեի «Հասարակության գերին» ֆիլմը: Այդ փաստը խիստ զայրացրել է «Ռոբերտ  Սահակյանց» փրոդաքշնի  ղեկավար, ռեժիսոր, անիմատոր  Դավիթ Սահակյանցին, և նա որոշել դուրս գալ կինոմատոգրաֆիստների միությունից: 

«Այսօր երկու Սահակյանցների` իմ և Լ. Սահակյանցի (ով 30 տարի այդ միության անդամ է) կողմից դիմում եմ ներկայացրել Հայաստանի կինեմատոգրաֆիստների միությունից դուրս գալու մասին: Այդ միության կազմում լինելը` Հարություն Խաչատրյանի նախագահությամբ, համարում եմ անհնարին և վիրավորական»,- «Ֆեյսբուք»-ի իր էջում գրել է Սահակյանցը՝ ցանկանալով, որ  «Ոսկե ծիրանը» գնալով էլ ավելի նեխի: