Բոլոր հնարավոր և անհնարին միջոցներով մեր հանրությանը փորձում են համոզել, որ Արցախի վերաազատագրումը և վերահայկականացումն անհնարին է. Ոսկանյան

Բոլոր հնարավոր և անհնարին միջոցներով մեր հանրությանը փորձում են համոզել, որ Արցախի վերաազատագրումը և վերահայկականացումն անհնարին է, կամ ավելի «գեղեցիկ» փաթեթավորմամբ՝ փորձում են «հաշտեցնել իրողությունների» հետ։ Այս մասին գրել է իրանագետ Վարդան Ոսկանյանը։

«Թուլամորթին բնորոշ նման արատավոր մոտեցումը «մեթոդավաբությամբ» նույնն է, թե մեկ անգամ պարտված մարզիկին փորձեն համոզել, որ այլևս պետք չէ մարզվել և ձգտել հաջորդ՝ այն էլ անխուսափելի, մրցամարտում հասնել ռևանշի և վայելել հաղթանակի բերկրանքը։

Մինչդեռ մեր տարածաշրջանը խաղաղ մարզական միջավայր չէ, այլ հաճախ հենց կենաց ու մահու պայքարի մի վայր, որտեղ թուլամորթ ազգերին հոշոտում են և ստիպում լքել պատմության ասպարեզը»։