Ռոհանին զգուշացրել է Լոնդոնին Ջիբրալթարում նավի ձերբակալության հետևանքների մասին

Իրանի նախագահ Հասան Ռոհանին  այն բանից հետո, երբ Մեծ Բրիտանիան Ջիբրալթարում ձերբակալել է իրանական նավթով նավը, զգուշացրել է Լոնդոնին անվտանգ գործողությունների հետևանքների մասին. հայտնում է РИА Новости-ն:

 Ռոհանիի խոսքով`  անգլիացիները ձերբակալել են նավը Իսպանիայի տարածքային ջրերում` հանդես գալով Ջիբրալթարում որպես օկուպանտ, քանի որ այն պատկանում է Իսպանիային:

«Համաշխարհային մակարդակով բոլորը պետք է ձգտեն ապահովել ծովային երթուղիների լիարժեք անվտանգությունը: Անգլիացիներին զգուշացնում եմ, որ դուք … կհասկանաք այդ գործողութունների հետևանքները»,- ասել է Իրանի նախագահը:

 Հիշեցնենք, որ հինգշաբթի հայտնի է դարձել, որ Ջիբրալթարում բրիտանական իշխանությունները ձերբակալել են նավթատար նավ, որը հում նավթ էր տեղափոխում Սիրիա: Ըստ Ջիբրալթարի վարչապետ Ֆաբիան Պիկարդոյի` տեղեկություն է եղել, որ Grace 1 նավը գործել է` Սիրիայի դեմ ԵՄ պատժամիջոցների խախտելով: Իրանի ԱԳՆ-ն բողոք է հայտնել Բրիտանիային և պահանջել ազատ արձակել նավը: