Չծառայած «գեներալները». Դավիթ Անանյանը ևս չի ծառայել. «Ժամանակ»

«Ժամանակ»-ը գրում է․ «ՊԵԿ նախագահ Դավիթ Անանյանը երեկ ասուլիսի ժամանակ հպարտորեն ներ­կայացնում էր իր կառույցի գրանցած հաջողություննե­րը, հարկերի հավաքագրու­մը: Ուշագրավ է, սակայն, որ ՊԵԿ կայքում մի փոքր դի­տարկումից հետո պարզեցինք, որ ՊԵԿ ղեկավարության 3 տասնյակ գնդապետ­ներից միայն 3-ն են ծառայել բանակում:

ՊԵԿ Նախագահ Դավիթ Անանյանի, նրա տե­ղակալ Ռաֆիկ Մաշադյանի, Տիգրան Զաքարյանի և էլի ոմանց կենսագրությունից իմացանք, որ վերջինները չեն ծառայել բանակում: Ընդ որում՝ չծառայածներից ոմանք ունեն արդարադա­տության գեներալ-լեյտենանտի, արդարադատության գեներալ-մայորի կոչումներ, որի համար հավելավճար են ստանում՝ չհաշված ահռելի պարգևավճարները»:

Մանրամասները՝ թերթի այսօրվա համարում 

Հ.Գ. ՊԵԿ լրատվական ծառայությունն ավելի ուշ պարզաբանում տարածեց: «Հարկային և մաքսային ծառայության մասին օրենքների համաձայն ՊԵԿ աշխատակիցներին շնորհվում են մաքսային կամ հարկային ծառայության կոչումներ և դասային աստիճաններ: ՊԵԿ ծառայողները չեն կարող ստանալ արդարադատության գեներալ-լեյտենանտի կամ արդարատության գեներալ -մայորի կոչումներ: Ուշագրավ մի հրապարակման հանդիպեցի այսօր: Հորդորում եմ մեր գործընկերներին ՊԵԿ կայքն ուսումնասիրելիս` լինել պարզապես ուշադիր»,-Ֆեյսբուքի իր էջում գրել է ՀՀ ՊԵԿ տեղեկատվության և հասարակայնության հետ կապերի բաժնի պետ Լուսինե Մկրտչյանը: