Georgian Airways-ը Թբիլիսի-Մոսկվա-Թբիլիսի ուղիղ չվերթ է բացել

Georgian Airways ավիաընկերությունը Թբիլիսի-Մոսկվա-Թբիլիսի ուղիղ չվերթ է իրականացնելու հունվարի 28-ին։ Այս տեղեկությունը հայտնել է ավիաընկերության ֆեյսբուքյան էջը։

Միաժամանակ, ինչպես հայտնի է դարձել մեկնաբանություններից, այս պահին սա միակ պլանային ուղիղ չվերթն է դեպի Ռուսաստան, հյուսիսային հարևանի հետ ուղիղ չվերթերի վերականգնման մասին տեղեկություններ չկան։

Georgian Airways-ը դեռ պարզաբանում չի տվել։ Վրաստանի վարչապետի՝ ՌԴ-ի հետ հարաբերությունների հարցերով հատուկ ներկայացուցիչ Զուրաբ Աբաշիձեն նույնպես չի կարողացել պատասխանել, թե կոնկրետ ինչի հետ է կապված մեկանգամյա ուղիղ չվերթը։ Նրա խոսքով՝ դեպի Ռուսաստան թռիչքները պաշտոնապես չեն վերականգնվել։

Անցյալ շաբաթ ՌԴ ԱԳՆ-ն հիշեցրել է, որ ռուսական ավիաընկերությունների՝ Ռուսաստանից Վրաստան քաղաքացիների ավիափոխադրումներ իրականացնելու արգելքը ժամանակավոր է, և Մոսկվան բազմիցս նշել է դրա չեղարկման պայմանները։

Հիշեցնենք, որ Վրաստանի և Ռուսաստանի միջև ուղիղ չվերթերն ընդհատվել էին վերջինիս նախաձեռնությամբ 2019 թվականի ամռանը՝ այսպես կոչված, «Գավրիլովյան գիշերներ» հակառուսական իրադարձություններից հետո։