Ավստրալիայի լողափերից մեկում կատվային շնաձուկ է նկատվել

Ավստրալիայի Վիկտորիա նահանգի բնակիչներից մեկը լողափին «շատ տարօրինակ» ջրային արարած է նկատել, որի լուսանկարները հրապարակել է իր ֆեյսբուքյան օգտահաշվում. հայտնում է Fox News-ը` վկայակոչելով ավտրալական news.com.au կայքը:

Նշվում է, որ լուսանկարում պատկերված արարածն իրականում կատվային շնաձուկ է: Այս արարածները  հիմնականում բնակվում են օվկիանոսների հատակին և սնվում մանր ձկներով: Այնուամենայնիվ, որոշ առանձնյակներ կարող են երկար ժամանակ բնակվել շատ ծանծաղ ջրերում:

Լրատվամիջոցը տեղեկացնում է նաև, որ թեև արարածն արտաքնապես վախ է ներշնչում, այնուամենայնիվ, այն մարդկանց համար վտանգ չի ներկայացնում:

«Սա բնությունն է` իր լավագույն դրսևորմամբ»,-  մեկնաբանել է օգտատերերից մեկը, մինչդեռ մեկ այլ օգտատեր նշել է, որ այն, կարծես, ֆանտաստիկ նովելի արարած լինի: