Լոնդոնը չի ներքաշվի ԱՄՆ-ի և Իրանի պատերազմի մեջ. Մեծ Բրիտանիայի ԱԳՆ-ի հետքայլը

Մեծ Բրիտանիայի ԱԳ նախարար Ջերեմի Հանթը երկրի խորհրդարանում հայտարարել է, որ Մեծ Բրիտանիան չի համաձայնի ներքաշվել ԱՄՆ-ի եւ Իրանի պատերազմին. հաղորդում է BBC-ն:

Ըստ նրա՝ Լոնդոնը դժվար թե համաձայնի ներքաշվել նման հակամարտության մեջ: «ԱՄՆ-ն մեր ամենամոտ դաշնակիցն է, մենք անընդհատ նրանց հետ խոսում ենք, մենք ուշադիր քննարկում ենք նրանց բոլոր խնդրանքները, բայց ես չեմ կարող պատկերացնել մի իրավիճակ, երբ նրանք խնդրում են, կամ մենք կհամաձայնենք քայլերի, որոնք ուղղված են պատերազմին: Մենք պատգամ ենք հղում ԵՄ մեր գործընկերներին, մասնավորապես` Ֆրանսիային եւ Գերմանիային` հարգելով Միջուկային համապարփակ համաձայնագիրը, մենք կշարունակենք մեր ուղին: Սակայն, սա չափազանց կարեւոր շաբաթ է: Շատ անհրաժեշտ է, որ Իրանի հետեւի այդ գործարքին, որպեսզի պահպանվի այն: Եվ Մերձաւոր Արեւելքն առանց միջուկային զենքի լինի»,- հայտարարել է Հանթը:

Հիշեցնենք, որ ավելի վաղ, Մեծ Բրիտանիայի ԱԳՆ ղեկավարը հայտարարել էր, որ Լոնդոնը կանգնած է Վաշինգտոնի կողքին եւ կքննարկի Իրանի հետ կապված` ԱՄՆ-ի «ցանկացած խնդրանք»: