Մեծ Բրիտանիայի դեսպանը երկու անգամ կանչվել է Իրանի ԱԳՆ

Իրանի ԱԳՆ-ն երկու անգամ կանչել է Թեհրանում Մեծ Բրիտանիայի դեսպանին` կապված Ջիբրալթարում բրիտանական իշխանությունների կողմից իրանական նավթատար նավը ձերբակալելու հետ: Այդ մասին հայտնում է РИА Новости-ն` երկրի ԱԳՆ պաշտոնական ներկայացուցիչ Աբաս Մուսավիին հղումով:

«Առաջին օրվանից, երբ ձերբակալվեց նավը, Իրանն իրավական և դիվանագիտական քայլեր ձեռնարկեց: Մենք երկու անգամ կանչել ենք Բրիտանիայի դեսպանին, նա եկել է Իրանի ԱԳՆ` բացատրություններ տալու»,- ասել է Մուսավին:

Անցյալ հինգշաբթի հայտնի է դարձել, որ Ջիբրալթարում բրիտանական իշխանությունները ձերբակալել են նավթատար նավ, որը հում նավթ էր տեղափոխում Սիրիա: Ըստ Ջիբրալթարի վարչապետ Ֆաբիան Պիկարդոյի` տեղեկություն է եղել, որ Grace 1 նավը գործել է` Սիրիայի դեմ ԵՄ պատժամիջոցների խախտելով: Իրանի ԱԳՆ-ն բողոք է հայտնել Բրիտանիային և պահանջել ազատ արձակել նավը:

Իրանի նախագահ Հասան Ռոհանին սպառնացել է Բրիտանիային հետևանքներով: