Նավթատար նավերի վրա երեկ տեղի ունեցած հարձակման հետևում կանգնած է Իրանը. Պոմպեո

ԱՄՆ պետքարտուղար Մայք Պոմպեոն երեկ Վաշինգտոնում ելույթի ժամանակ հայտարարել է, որ ԱՄՆ վարչակազմն ունի բոլոր հիմքերը` պնդելու, այդ թվում` հետախուզական տվյալների հիման վրա, որ Օմանի ծոցում նավթատար նավերի վրա հարձակման հետևում կանգնած է Իրանը. հայտնում է Голос Америки-ն:

Հիշեցնենք, որ երեկ Օմանի ծոցում հարձակում է տեղի ունեցել երկու նավթատար նավերի վրա, նավաստիները փրկված են:

Խոսքը Front Altair (Նորվեգիա) և Kokuka Courageous (Պանամա) նավերի մասին է:

Դեպքը տեղի է ունեցել Իրանի տարածքային ջրերում: Անձնակազմերը տարհանվել են և անվտանգ վայրում են: Ըստ ԻՌՆԱ-ի` փրկարարական գործողությունն իրականացրել է Իրանը. 44 մարդ հասցվել է այդ երկրի տարածք:

ԱՄՆ ռազմածովային ուժերի տարածած տեսանյութը` ստորև: Ըստ նրանց վարկածի` իրանցի զինվորներն Օմանի ծոցում հարձակման ենթարկված լցանավից հեռացնում են չպայթած ական: