Իրանը բրիտանական նավթատար նավ է ձերբակալել

Իրանի իսլամական հեղափոխության պահապանների կորպուսի ուժերը հուլիսի 19-ին ձերբակալել են Stena Impero նավթատար նավը, որը Մեծ Բրիտանիայի դրոշի ներքո ուղևորվում էր Սաուդյան Արաբիա. հայտնում է Лайф-ը:

Վերջին տվյալների համաձայն` անձնակազմի անդամների թվում կան ռուսաստանցիներ:

Fars-ը, իրանական աղբյուրին հղումով, հայտնում է, որ Հորմուզի նեղուցում ձերբակալված նավը աղտոտում էր միջազգային ջրերը և չէր արձագանքում նախազգուշացումներին:

 Լցանավի ձեռբալմանն արդեն արձագանքել է Մեծ Բրիտանիայի ԱԳ Նախարար Ջերեմի Հանթը:

«Մենք հստակ հայտարարում ենք, որ իրավիճակն արագ չկարգավորվի, ապա այն լուրջ հետեւանքներ է ունենալու: Մենք ռազմական տարբերակի մասին չենք խոսում: Խոսքը դիվանագիտական ելքի մասին է, թեեւ հստակ նշում ենք, որ խնդիրը պետք է կարգավորվի»,- ասել է նա՝ հավելելով որ Թեհրանում այդ երկրի դեսպանը խնդրի կարգավորման համար կապի մեջ է Իրանի ԱԳ Նախարարության հետ, իսկ Լոնդոնն էլ հարցը քննարկում է իր միջազգային գործընկերների հետ: