Մենք խեղդվում ենք տեղեկատվական հոսքի մեջ, և դրա հետ մեկտեղ չունենք փոխըմբռնում. Շվիդկոյ

Միջազգային մշակութային համագործակցության հարցերով Ռուսաստանի Դաշնության նախագահի հատուկ ներկայացուցիչ Միխայիլ Շվիդկոյը «Մտքերի գագաթնաժողով»-ի անցկացումը կարևոր է համարում արագ փոփոխվող աշխարհում: Ըստ նրա՝ նման գագաթնաժողովները օգնում են  հասկանալ այդ փոփոխությունների ուղղությունները: «Մտքերի գագաթնաժողով»-ին մասնակցող Շվիդկոյը ասուլիսի ժամանակ նշեց, որ գրեթե հիսուն տարի առաջ մարդիկ ապրում էին կայուն աշխարհում, բայց  այդ աշխարհը այլևս գոյություն չունի:

«Այն ժամանակ խոշոր ընկերություններում աշխատակազմի վերապատրաստում էին անցկացնում 3 տարի մեկ,  որոշ ժամանակ անց՝ տարին մեկ: Այսօր աշխատակազմի վերապատրաստումը տեղի է ունենում ամեն օր: Սա ժամանակի պահանջն է, որովհետև մարտահրավերները չափազանց շատ են: Եթե նման հարթակներ չլինեն, մենք պարզապես չենք հասցնի մարտահրավերների հետևից: Մենք խեղդվում ենք տեղեկատվական հոսքի մեջ, և դրա հետ մեկտեղ չունենք փոխըմբռնում»,-ընդգծեց  Շվիդկոյը: