Սոչիի օդանավակայանի աշխատակից Վլադիմիր Բեգիյանի այրուն հանձնել են «Զոհվողների փրկության համար» մեդալ

ՌԴ տրանսպորտի նախարար Եվգենի Դիտրիխը Սոչիի օդանավակայանի հերթափոխի պետ Վլադիմիր Բեգիյանի (մահացել էր սրտի կաթվածից 2018 թվականի սեպտեմբերին Boeing-ի վթարային վայրէջքի հետևանքների վերացման ժամանակ) այրուն է հանձնել «Զոհվողների փրկության համար» մեդալ. հայտնում է РИА Новости-ն՝ օդանավակայանի մամուլի ծառայությանը հղումով։

«Վլադիմիր Նիկոլաևիչն իր մասին չէր մտածում, նա մտածում էր ուրիշների կյանքի մասին։  Նա մեծ սիրտ ունեցող մարդ էր։ Քանի դեռ մեր կողքին աշխատում են  այդպիսի մարդիկ, մեր տրանսպորտը մեծ ապագա կունենա»,- Դիտրիխին մեջբերում է օդանավակայանի մամուլի ծառայությունը։

Վլադիմիր Բեգիյանը Սոչիի միջազգային օդանավակայանում աշխատել է ավելի քան 33 տարի` 1985 թվականի մայիսից։