ԱԺ նիստերի օրակարգը երկրորդ փորձից հաստատվեց

96 կողմ ձայնով նիստերի օրակարգի երկրորդ բաժինը ԱԺ-ն երկրորդ փորձից հաստատեց: 

«Օրակարգի երկրորդ մասը քվեարկությամբ չհաստատվեց, իսկ ԱԺ կանոնակարգ-օրենքն ասում է, որ եթե փաթեթով չեն հաստատվում օրակարգային հարցերը, քվեարկության են դրվում առանձին-առանձին»,- Ազգային ժողովի ընդմիջումից հետո նիստերի դահլիճում հայտարարեց ԱԺ նախագահ Արարատ Միրզոյանը` հավելելով, որ եթե խմբակցությունները դեմ չեն, օրակարգում ներառված հարցերը քվեարկեն փաթեթով, այլ ոչ թե առանձին-առանձին:

Առաջարկն ընդունվեց, օրակարգը հաստատվեց, և պատգամավորների քննարկմանը դրվեց օրակարգի առաջին՝ Սահմանադրական դատարանի դատավորի ընտրության հարցը։

Հիշեցնենք՝ ՍԴ անդամի թափուր տեղի համար այս անգամ նախագահ Արմեն Սարգսյանն առաջադրել է Արթուր Վաղարշյանի թեկնածությունը: