կարևոր
2737 դիտում, 9 ամիս առաջ - 2023-04-28 19:18
Քաղաքական

ԱԺ խորհուրդը նիստ է գումարել. հաստատվել է մայիսի 2-ին գումարվող նիստերի օրակարգը

ԱԺ խորհուրդը նիստ է գումարել. հաստատվել է մայիսի 2-ին գումարվող նիստերի օրակարգը

ՀՀ Ազգային ժողովի խորհուրդն ապրիլի 28-ին գումարել է նիստ, որը վարել է ՀՀ ԱԺ նախագահի տեղակալ Հակոբ Արշակյանը: Այդ մասին հայտնում են ԱԺ լրատվական ծառայությունից:

Քննարկվել և հաստատվել են Ազգային ժողովի ութերորդ գումարման հինգերորդ նստաշրջանի օրակարգում լրացումներ կատարելու և մայիսի 2-ին գումարվող հերթական նիստերի օրակարգի նախագծերը: Սահմանվել է նաև հերթական նիստերի օրակարգային հարցերի քննարկման հաջորդականությունը:

Մայիսի 2-ին գումարվող հերթական նիստերի օրակարգի նախագծում կընդգրկվի 16 հարց:

Խորհուրդը չի ընդունել ««2020 թվականի սեպտեմբերի 27-ին սանձազերծված ռազմական գործողությունների հանգամանքների ուսումնասիրման նպատակով» ստեղծված Ազգային ժողովի քննիչ հանձնաժողովի գործունեության ժամկետը երկարաձգելու մասին» հարցի քննարկման տևողությունը երկարացնելու վերաբերյալ «Հայաստան» խմբակցության ղեկավար Սեյրան Օհանյանի առաջարկը: