Թանդիլյանի ներկայացրած նախագիծը կքննարկվի ԱԺ լիագումար նիստում

«Լուսավոր Հայաստան» խմբակցության պատգամավոր Մանե Թանդիլյանն այսօր խորհրդարանի տնտեսական հարցերի մշտական հանձնաժողվում ներկայացրեց «ՀՀ քաղաքացիական օրենսգրքում փոփոխություն կատարելու մասին» օրենքի նախագիծ, որով նախատեսվում է, որ ՍՊԸ-ն՝ որպես միակ մասնակից, կարողանա ունենալ մեկ անձից կազմված այլ տնտեսական ընկերություն:

««Սահմանափակ պատասխանատվությամբ ընկերությունների մասին» Հայաստանի Հանրապետության օրենքի 11-րդ հոդվածի 4-րդ մասը ևս սահմանափակ պատասխանատվությամբ ընկերության համար սահմանում է որպես միակ մասնակից՝ մեկ անձից բաղկացած այլ տնտեսական ընկերություն հիմնադրելու կամ ունենալու արգելք, ուստի անհրաժեշտ է համապատասխան փոփոխություն կատարել նաև նշված օրենքում՝ ուժը կորցրած ճանաչելով նշված օրենքի 11-րդ հոդվածի 4-րդ մասի երկրորդ նախադասությունը»,- ասվում է նախագծի մեջ

Նախագծի լրամշակված տարբերակը հանձնաժողովում դրվեց քվեարկության, ստացավ դրական եզրակացություն: Այն կներառվի ԱԺ լիագումար նիստի օրակարգում։