Ի հեճուկս ԱՄՆ-ի` Ս-400-ների վերաբերյալ համաձայնագրի իրականացումն արագացվում է. Ռուսաստան

Ռուսաստանի նախագահի` արտաքին հարաբերությունների գծով խորհրդական Յուրի Ուշակովը, ըստ Sputnik-ի թուրքական ծառայության, պատասխանելով լրագրողների դիտարկմանը, որ ԱՄՆ-ն Թուրքիայից պահանջել է հետաձգել ռուսական Ս-400 ՀՕՊ համակարգերի մատակարարումը, նշել է. «Թե ինչ են պնդում ամերիկացիները, լավ գիտենք: Սակայն մի քանի ամիս առաջ կնքված համաձայնագիրն ամբողջ արագությամբ իրագործվում է: Դեռևս ոչ մի դանդաղում չկա»:

Bloomberg-ի` մայիսի 13-ի հոդվածում նշվում էր, որ Թրամփի վարչակազմը Թուրքիային առաջարկել էր հետաձգել Ռուսաստանից  Ս-400 համակարգերի գնումը մինչև 2020 թ., և որ Թուրքիան մտածում է այդ ուղղությամբ:

Անկարան ավելի վաղ բազմիցս հայտարարել էր, որ չի հրաժարվելու այդ ծրագրից և առաջին խմբաքանակը սպասում է հուլիս ամսին: