Ամերիկյան ՌՕՈւ-ն հաջողությամբ փորձարկել է նոր լազերային զենքի նախատիպը. այն խփել է մի քանի օդային հրթիռներ

Ամերիկյան ՌՕՈւ-ն հաջողությամբ փորձարկել է նոր լազերային զենքի նախատիպը: Այս մասին տեղեկացնում է Engadget-ը:

Ապրիլի 23-ին Նյու Մեքսիկո նահանգի «Սպիտակ ավազներ» զորավարժարանում տեղի ունեցած փորձարկումների ընթացքում նոր զենքին հաջողվել է խփել մի քանի օդային հրթիռներ։

Լազերային զենքի ստեղծմամբ ու նախագծմամբ զբաղվում է ամերիկյան Lockheed Martin ընկերությունը։ Ապագայում նախատեսվում է, որ համալիրը կապահովի ԱՄՆ ՌՕՈւ կործանիչների և այլ ինքնաթիռների անվտանգությունը` միևնույն ժամանակ որսալով «օդ-օդ» և «ցամաք-օդ» դասի հրթիռներ։

Լրատվամիջոցը հավելում է նաև, որ զինվորականները նախատեսում են  լազերային զենքը կիրառել 2020-ականների երկրորդ կեսին։