Ղազախստանում հակակառավարական ցույցեր են

Ղազախստանի մայրաքաղաք Նուր Սուլթանում և Ալմաթիում հարյուրավոր մարդիկ չթույլատրված ակցիա են իրականացնում. հայտնում է РИА Новости-ն:

Հակակառավարական ցույցերի մասնակիցները հանդես են գալիս առաջիկա նախագահական ընտրությունների, ատոմակայանի շինարարության դեմ, պահանջում են հաշմանդամների, բազմազավակ մայրերի սոցիալական պաշտպանության բարձրացում: Նրանք վանկարկում են, որ ընտրություն ունեն, հանդես են գալիս արդար ընտրությունների օգտին:

Իրավապահները ուղեկցում են ակցիայի մասնակիցներին:

Հիշեցնենք, որ Ղազախստանի առաջին նախագահ Նուրսուլթան Նազարբաևը հրաժարական է տվել, այժմ նախագահի լիազորությունները կատարում է Քասըմ Ժոմարտ Տոկաևը: Հրաժարականից հետո մայրաքաղաք Աստանան վերանվանվեց Նուր Սուլթան, ինչն առաջացրեց շատերի դժգոհությունը: