Սոֆիայում հակակառավարական ցույցեր են

Անցած գիշեր Բուլղարիայի մայրաքաղաք Սոֆիայում հակակառավարական ցույցերի մասնակիցների եւ «Ատակա» կուսակցության ակտիվիստների միջեւ տեղի ունեցած բախման ժամանակ 8 մարդ է վիրավորվել. տեղեկացնում է ИТАР-ТАСС-ը:

Ցուցարարները բողոքի ակցիաներ են կազմակերպել խորհրդարանական բոլոր կուսակցությունների գրասենյակների առջեւ, սակայն «Ատակա»-ի կողմնակիցները նախապես փակել են իրենց գրասենյակ տանող ճանապարհը եւ հայտարարել, որ թույլ չեն տա ցուցարարներին առաջ շարժվել: Իրավապահները բախումից խոևսափելու համար փակել են ցուցարարների ճանապարհը: Սակայն կողմերը միմյանց վրա քարեր ու շշեր են նետել:

Երեկ մոտ 7 հազար մարդ արդեն չորրորդ անգամ հավաքվել էր Սոֆիայի կենտրոնում` բողոքելու երկրի կառավարության քաղաքականության դեմ: Այսօր նոր ակցիա է լինելու: